Arrestim i një të dyshuari nga Policia e Kosovës - Foto: KALLXO.com
Arrestohet i Dyshuari, Shtiu me Armë Zjarri e Lëndoi një Person
08.2.2018 - 10:03
Policia ka njoftuar se një person është arrestuar pasi i njëjti pas një mosmarrëveshje me një person tjetër ka shtënë me armë zjarri duke i shkaktuar lëndime të lehta viktimës.
Sipas raportit policor, në fshatin Nikaj, në Komunën e Kaçanikut, gjatë ditës së djeshme, një person është arrestuar pasi ky i fundit ka shtënë me armë zjarri në drejtim të një personi tjetër.
Shkaku i të shtënave me armë ishte një mosmarrëveshje.
Në raportin policor thuhet se i dyshuari pasi ka gjuajtur viktimën me armë është larguar nga vendi i ngjarjes.
Viktima ka pësuar një gërvishtje në kokë dhe ka kërkuar tretman mjekësor.
Tek i dyshuari janë gjetur dhe janë konfiskuar dy pistoleta dhe tre fishekë. Me vendim të prokurorit i dyshuari është dërguar në mbajtje.