Arrestohen hajnat recidivist

Policia i ka arrestuar dy të dyshuarit për thyerjen e  xhamit të mjetit tip “Benz”, në pronësi të shtetasit A. B., kanë marrë një portofol të ndodhur brenda në mjet

Siç bën të ditur Policia e Shtetit, ngjarja kishte ndodhur me datën 25.09.2018, ku gjatë natës në Vorë, persona të paidentifikuar pasi kanë.

“Identifikohen, kapen dhe arrestohen 2 autorët e dyshuar. Dokumentohet me prova ligjore që këta dy shtetas janë autorë edhe të dy vjedhjeve të tjera. Sekuestrohen në cilësinë e provës materiale dhe sendet e vjedhura nga këta shtetas” ka njoftuar policia.

Më tej në njoftim bëhet e ditur se nga Specialistët e Hetimit të Krimeve të Komisariatit të Policisë Vorë, pas një pune intesive hetimore u bë identifikimi, kapja dhe arrestimi i dy autorëve të dyshuar, shtetasve: P.T, 21 vjeç, banues në Vorë dhe  E. P., 17 vjeçe, banuese në Vorë.

Këta shtetas në bashkëpunim me njëri – tjetrin më datë 25.09.2018, gjatë natës në Vorë, pasi kanë thyer xhamin e mjetit tip “Benz”, në pronësi të shtetasit A. B., kanë marrë një portofol të ndodhur brenda në mjet.

Nga tërësia e veprimeve hetimore dhe procedurale rezulton se shtetasit e mësipërm janë autorë të dyshuar edhe të dy vjedhjeve të tjera, konkretisht :

– Më datë 09.09.2018 në Vorë kanë vjedhur banesën e shtetasit N. Gj.

– Më datë 20.08.2018, në Vorë kanë vjedhur sende në mjetin në pronësi të shtetasit M. D.

Janë sekuestruar në cilësinë e provës materiale sende të dyshuara të vjedhura nga këta shtetas :

– një sasi monetare në lekë dhe në euro

– bizhuteri

– sende të ndryshme

– sendi me të cilin kryenin thyerjen e xhamave dhe hapjen e grilave .

Materialet iu referuan Prokurorisë pranë Gjykatës së Shkallës së Parë Tiranë për veprime të mëtejshme në ngarkim të shtetasve të lartpërmenduri për veprën penale “Vjedhje e kryer në bashkëpunim”, parashikuar nga neni 134/25 i Kodit Penal.