Foto: Ilustrim
Arrestohen dy persona për plagosjen e djeshme në Prishtinë
Policia ka arrestuar dy persona për rastin e plagosjes së djeshme në Prishtinë.
Tre persona të identifikuar kanë qenë në arrati për plagosjen e djeshme në kryeqytet.
Policia me anë të një njoftimi ka thënë se pas identifikimit, mbrëmë rreth orës 23:00 janë arrestuar 42 vjeçari me inicialet N. S dhe 32 vjeçari me inicialet F. A.
“Personat e dyshuar me urdhër të Prokurorit të shtetit, janë dërguar në qendrën e mbajtjes, ndërkohë që bazuar në hetimin fillestar dyshohet se në këtë rast është i përfshirë edhe një person tjetër si i dyshuar, i cili është identifikuar dhe po kërkohet nga ana e policisë”, thuhet në njoftimin e policisë.
KALLXO.com gjatë ditës së djeshme ka raportuar në lidhje me plagosjen e dy personave në rrugën “Ibrahim Lutfiu” në Prishtinë.
30 vjeçari Z. J dhe 44 vjeçari N. U janë plagosur dhe janë dërguar për trajtim mjekësor.
https://kallxo.com/dy-te-plagosur-me-arme-zjarri-ne-prishtine/
https://kallxo.com/policia-ne-kerkim-te-tre-personave-per-plagosjen-ne-prishtine/