Arratisen dy të burgosur nga Dubrava, arrestohen dy oficerë korrektues
16.9.2018 - 14:12
Dy oficerë korrektues të Kosovës janë arrestuar në Burgun e Dubravës pas arrestisjes së dy të burgosurve.
Të burgosurit e arratisur njëri është shtetas i Kosovës e tjetri shqiptar i Maqedonisë.
Sipas Policisë, rasti ka ndodhur dje rreth orës 09:00.
“Janë arrestuar dy oficerë korrektues në Burgun e Dubravës, pasi që dyshohet se të njëjtit nuk e kanë bërë përcjelljen e dy të burgosurve, të cilët kanë arritur që të arratisen nga burgu. Me vendim të prokurorit, të dyshuarit janë dërguar në mbajtje”, thuhet në raportin e Policisë.
Rasti po cilësohet si arratisje e personave të privuar nga liria.