Ilustrim: Aeroporti i Prishtinës - Foto: Aeroporti
Anulohen dy fluturime për shkak të reshjeve të borës
25.1.2019 - 16:49
Dy fluturime janë anuluar gjatë ditës së sotme në Aeroportin ”Adem Jashari”” në Prishtinë për shkak të reshjeve të borës.
Lajmin për KALLXO.com e ka konfirmuar zyrtari për informim në Aeroportin e Prishtinës, Unidon Krasniqi.
“Dy fluturime të cilat janë paraparë për sot, nuk janë realizuar si pasojë e kushteve atmosferike. Po presim nëse deri në fund të ditës mund të ketë edhe ndonjë anulim për shkak të reshjeve”, ka thënë Krasniqi.
Krasniqi ka njoftuar se fluturimi i “Austrian Airlines”, nga Viena është kthyer prapa për shkak të dukshmërisë së ulët në Prishtinë, si dhe fluturimi i “Germania”, nga Dusseldorf, është ridrejtuar për në Shkup për të njëjtën arsye.
Gjatë gjithë ditës në vendin tonë ka pasur reshje të borës