Anija "Oriku" - Foto: Rtv21
Anija Shqiptare Shpëton 52 Emigrantë në Detin Egje
10.9.2017 - 10:06
Anija e Forcës Detare shqiptare “Oriku”, e cila është në mision duke ruajtur kufijtë detarë në Egje, ka shpëtuar dje plotë 52 emigrantë që lëviznin me një gomone.
Sipas burimeve zyrtare, në orën 21:45, “Oriku” ka zbuluar gomonen në detin Egje.
Ajo përmbante sirianë, irakianë dhe palestinezë.
Të gjithë emigrantën më pas hipën në anijen “Frontek” shëndoshë e mirë.
Kriza në vendet e Lindjes së Mesme po i shtyn shumë prej qytetarëve të rrezikojnë jetët e tyre duke marrë rrugë të rrezikshme drejt vendeve europiane. /21Media