Philip Kosnett, i nominuar për Ambasador të Amerikës në Kosovë. Foto: Facebook
Ambasadori amerikan ua uron myslimanëve të Kosovës muajin e Ramazanit
06.5.2019 - 19:42
Ambasadori amerikan në Kosovë, Philip Kosnett, i ka uruar besimtarët e fesë islame për fillimin e muajit të shenjtë të Ramazanit.
Në një postim të tij në Twitter ai ka uruar më të mirat për agjëruesit.
“Urimet më të mira për të gjithë ata që e shënojnë muajin e shenjtë të Ramazanit në Kosovë”, ka shkruar Kosnett në Twitter.
Ai ka shtuar se në fund të muajit do të festojnë me myslimanët e Kosovës.
“Presim që të festojmë së bashku me myslimanët e Kosovës më vonë gjatë këtij muaji”.
Gjithashtu Kosnett ka shpërndarë edhe urimin e sekretarit të Shtetit, Mike Pompeo, i cili ka uruar myslimanët për fillimin e këtij muaji të shenjtë për ta.