Ambasadori amerikan në Kosovë, Philip Kosnett
Ambasadori amerikan kritikon Gjykatën në rastin e korrupsionit në KEK
Ambasadori i Shteteve të Bashkuara të Amerikës në Kosovë, Philip Kosnett, ka kritikuar Gjykatën Themelore të Prishtinës për mënyrën se si e ka menaxhuar procesin gjyqësor në rastin e një tenderi 6 milionësh në KEK.
Por ambasadori Kosnett ka thënë se gjykata duhet t’i dëgjojë rastet me kohë në mënyrë që të shmanget parashkrimi i akuzave.
“Gjykata Themelore e Prishtinës së fundmi ka liruar disa të akuzuar në rastin e korrupsionit në KEK, duke u arsyetuar në parashkrimin e akuzave. Gjykata duhet t’i dëgjojë rastet në kohë të duhur. Drejtësia nuk mund të bëhet kur rastet dëgjohen PARA se të skadojë afati i parashkrimit”, ka thënë Kosnett në një postim në Twitter.
Pristina Basic Court recently handed down several acquittals in the KEK corruption case, citing the expiration of the statute of limitations. Courts must hear cases in a timely manner. Justice can only be served when cases are heard BEFORE statutes of limitations expire. pic.twitter.com/6fqxTkVYEW
— Ambassador Philip S. Kosnett (@USAmbKosovo) May 24, 2019
Reagimi i ambasadorit Kosnett vjen një ditë pasi BIRN dhe Internews Kosova publikuan raportin vjetor të monitorimit të sistemit të drejtësisë në të cilin gjithashtu kritikohet përsëritja e shpeshtë e rasteve të parashkrimit të akuzave në rastet e korrupsionit të nivelit të lartë duke përfshirë edhe rastin e tenderit në KEK.
Kryetar i trupit gjykues në këtë rast ka qenë Beqir Kalludra ndërsa anëtarë kanë qenë Shadije Gërguri dhe Shasivar Hoti, ndërsa prokurore ka qenë Florije Shamolli.
Kjo lëndë fillimisht ishte në përgjegjësinë e EULEX-it por më pas u transferua te gjykatësit e prokurorët vendorë për shkak të përfundimit të mandatit të këtij misioni.
https://kallxo.com/sami-lushtaku-i-pafajshem-per-korrupsion/
