Agim Bahtiri Facebok/FarukMujka

Albin Kurti e Agim Bahtiri bisedojnë për bashkimin e Mitrovicës

Kryetari i Lëvizjes Vetëvendosje, Albin Kurti ka zhvilluar një takim me kryetarin e Mitrovicës, Agim Bahtirin dhe nënkryetarin e kësaj Komune, Faruk Mujka.

Në këtë takim, siç ka shkruar Mujka në profilin e tij në Facebook, është diskutuar për peticionin për bashkimin e Mitrovicës.

Sipas tij, ata janë dakorduar që peticioni të procedohet sa më shpejtë nëpër komisionet parlamentare dhe të ketë mbështetjen e plotë të gjithë liderëve partiakë.

“Gjithsesi duhet pasur të qartë se kërkesa për bashkimin e qytetit në asnjë mënyrë nuk nënkupton një lloj kompromisi me integritetin territorial të Kosovës apo çfarëdo cenimi të kufijve të Kosovës, sepse një gjë e tillë është në kundërshtim me Kushtetutën e Republikës së Kosovës, vendimin e GJND-së dhe vendimin e atyre 110 shteteve që na kanë pranuar me këta kufinjë aktual, e ndër ta edhe SHBA-të”, thuhet në njoftimin e Mujkës.

Kryetari i Komunës së Mitrovicës Jugore, Agim Bahtiri më 16 janar i kishte dorëzuar peticionin me 16 mijë nënshkrimet e qytetarëve të kësaj komune për bashkimin e Mitrovicës, kryetarit të Kuvendit, Qeverisë dhe Zyrës së Presidentit.

https://kallxo.com/bahtiri-ia-dorezoi-veselit-nenshkrimet-e-qytetareve-per-bashkimin-e-mitrovices/

Nisma e kryetarit të Mitrovicës ka marrë mbështetjen edhe të presidentit të Kosovës, Hashim Thaçi.

https://kallxo.com/thaci-sfidon-planin-ahtisaari-mbeshtet-ribashkimin-e-mitrovices/?fbclid=IwAR3TyksWT04vY8HnnZw6Io2GNbsgmDNfUDDKoPmHZb2726PGY7UUxynirVI

www.kallxo.com