Aktakuzë për pejanin e dyshuar se kreu marrëdhënie seksuale me 16 vjeçaren

Prokuroria Themelore e Pejës, ka ngritur aktakuzë ndaj të pandehurit A.A, pasi dyshohet se për dhjetë vjet me kanosje ka detyruar të miturën të kryejë marrëdhënie seksuale pa dëshirën e saj

Të akuzuarin A.A., prokuroria e ngarkon edhe me veprën penale “Shtrëngimi”, dhe veprën penale “Mbajtja në pronësi, kontroll ose posedim të paautorizuar të armëve.

“I pandehuri A.A, nga gushti i vitit 2008 e gjerë me datën 7 shtator të 2018-ës, me kanosje, ka detyruar viktimën B.A. që nga mosha 16 vjeçare, të kryej kohë pas kohe marrëdhënie seksuale pa dëshirën e saj, ku të njëjtën nuk e kishte lejuar as të krijojë lidhje martesore, duke i kërcënuar edhe personat që kanë kërkuar të kenë lidhje me të, derisa e viktima duke e ndjerë vetën të kërcënuara vendos që rastin ta paraqet tek organet ndjekëse”, thuhet në aktakuzë.

Me këto veprime ekziston dyshimi i bazuar mirë se i pandehuri ka përmbushur elementet e veprës penale të përshkruar si më lartë. Prokurori i çështjes me rastin e ngritjes se aktakuzës, i ka propozuar Gjykatës që i pandehuri të shpallet fajtor dhe të dënohen sipas ligjit për veprat penale të cila i vihen në barrë.