Aksioni i Doganës dhe policisë në Mitrovicën Veriore
Aksion i Doganës në Mitrovicën Veriore
Njësitë e Doganës së Kosovës kanë filluar një aksion te disa lokacione të dyshuara për mbledhjen dhe shpërndarjen e mallrave të kontrabanduara në Mitrovicën e Veriut .
Këtë e konfirmoi për KALLXO.com zëdhënësi i doganave të Kosovës Adriatik Stavileci.
“Sot në orët e para të mëngjesit ka filluar një aksion te lokacionet e dyshuara për mbledhjen dhe shpërndarjen e mallrave të kontrabanduara,” tha Stavileci.
Sipas zëdhënësit Stavileci në këtë aksion dogana po përkrahet nga Policia e Kosovës dhe Administrata Tatimore.
Deri tani janë gjetur sasi të konsiderueshme të mallrave pa dokumente e që dyshohet që janë të kontrabanduara.
Mallrat e gjetura kryesisht janë pije alkoolike dhe cigare.
Në janar KALLXO.com shkroi për ndjekjen e një kontrandisti të dyshuar deri në Leposaviq dhe arrestimin e tij nga policia.
http://kallxo.com/polici-qellon-me-arme-drejt-kontrabandistit-te-dyshuar/