AAK me Ankesa në PZAP për Istogun

Aleanca për Ardhmërinë e Kosovës ka dërguar 14 ankesa në Panelin Zgjedhor për Ankesa dhe Parashtresa rreth procesit dhe rezultatit të zgjedhjeve në garën e përsëritur për balotazh për kryetar të komunës së Istogut.

“PZAP-i njofton publikun dhe palët e interesuara se prej orës 19:00 të datës 17.12.2017 deri në ora 19:00 të datës 18.12.2017, brenda afatit prej 24 orëve, ne PZAP janë pranuar 14 ankesa. Ankesat janë dorëzuar nga subjekti politik AAK, saktësisht në ora 18:40. Ankesat kanë të bëjnë me pretendimet se ka pasur parregullsi në ditën e zgjedhjeve”, thuhet në një komunikatë të PZAP.

Numërimi i fletëvotimeve në garën mes Haki Rugovës së LDK-së dhe Gani Dreshajt të AAK-së nxori fitues Rugovën me një epërsi prej vetëm 14 votash.