28 vjet nga rrëzimi i bustit të Enver Hoxhës

Më 20 shkurt 1991, mijëra të rinj u nisën nga “Qyteti Studenti” drejt qendrës së Tiranës për të rrëzuar monumentin e Enver Hoxhës.

Rrëzimi i bustit ishte simbolika e rënies së një regjimi që po jetonte ditët e tij të fundit dhe që ishte paraprirë nga një seri zhvillimesh të ndryshimit të madh, i cili kishte nisur me protestën e studentëve, grevën e tyre të urisë e pranimit të pluralizmit politik të Shqipërisë.

Pas përleshjes me policinë, ishte arritur rrëzimi i bustit, duke e futur 20 shkurtin në kalendarin e historisë, si ditën e ndarjes me diktaturën dhe fillimin e një epoke të re.