Foto: Ilustrim
16 të Lënduar në një Aksident në Prizren
02.7.2016 - 13:10
Gjatë mesditës së djeshme në fshatin Vlashnje të Prizrenit një minibus ka pësuar aksident, pasi sipas policisë shoferi ka humbur kontrollin e ngasjes së këtij automjeti.
“Deri te aksidenti ka ardhur nga pakujdesia e të dyshuarit i cili ka humbur kontrollin ndaj automjetit dhe ka goditur një shtyllë të ndriçimit dhe më pas automjeti është rrokullisur,” thuhet në njoftim.
Si pasojë e aksidentit ngasësi dhe 16 pasagjerë, dhjetë meshkuj dhe gjashtë femra kanë pësuar lëndime trupore.
Të aksidentuarit sipas policisë kanë pranuar tretman mjekësor, ndërsa 3 prej tyre të lënduar më rëndë janë shtrirë në spitalin e Prizrenit për trajtim të mëtutjeshëm.