100 ditët e Zëvendësministrit: Ishte tremujor plot ritëm

Zëvendësministri Bujar Cakolli thotë se koha prej kur është emëruar kanë qenë tre muaj punë ishin plotë ritëm.

“Po ju paraqesë një raport tremujor të punës sime si zëvendësministër… i cili është një konsiderim real i punës sonë gjatë këtij tremujori plot ritëm dhe bashkëveprim të ministrisë sonë dhe të gjitha strukturave tjera shtetërore”, thuhet në fillim të raportimit të punëve të bëra gjatë 100 ditëve.

Këto nuk ishin fjalët e vetme miradije për punën e tij.

“Raporti tre mujor i punës është një material që shpreh më së qarti hapat në të cilët kemi ecur, arritjet më të mira, si dhe zhvillime e përgjithshme në dikasterin tonë”, shkruan zv. ministri.

Zëvendësministri i Inovacionit dhe Ndermarrësisë, Bujar Cakolli, në raportin e punës së tij 100 ditore, të cilin e ka siguruar KALLXO.com thotë se fillimisht kanë pasur punë në konstituimin e Ministrisë së tyre, e më pas janë marrë edhe me hartimin e programit të MIN-it për 2017-2021. Ndërsa pas kësaj është bërë edhe themelimi i Këshillit Kombëtar për Inovacion e Ndërmarrësi.

Ai më pas ka listuar edhe aktivitetet e tij, të cilat i ka emëruar si: konferenca, takime e vizita, e të cilat janë 9 në total.

Ai thotë se ka marrë pjesë në katër konferenca, ka zhvilluar tri takime, ka marr pjesë në një tryezë të rrumbullakët dhe ka bërë një vizitë në një kolegj privat.

KËTU mund të lexoni raportin e plotë të zëvendësministrit Bujar Cakolli.

KALLXO.com do të publikojë raportet e punës së zëvendësministrave.

Raporti i radhës do të jetë për zëvendësministrin Milazim Gashi.

Shkrime të tjera nga dosja e zëvendësministrave:

Zëvendësministri: Më 29 dhjetor ishte darka festive e fundvitit

Zëvendësministri i tregon kryeministrit për kullosat e Kosovës që nga koha e Perandorisë Romake

Zëvendësministri: Me ftesë të Kabinetit së Kryeministrit mora pjesë në dy takime

Zëvendësministri i raporton Haradinajt: Kam shpërnda mirënjohje për mësuesit

Raportimi tek Kryeministri: Në cilësinë e zëvendësministrit isha në Restorant në Prizren

Zëvendësministri i raporton Haradinajt se ku e festoi 10 vjetorin e Pavarësisë

Zëvendësministri i raporton Haradinajt bisedën në radio dhe 54 fotografi nga takimet

Zëvendësministri i raporton Haradinajt: Vizitova tri ambasada të Kosovës