Ambasadorja e ShBA-së në OKB Nikki Haley- Foto: REL/Reuters
Haley: Askush nuk do të reagonte më i përmbajtur sesa Izraeli
15.5.2018 - 20:53
Asnjë anëtar i Këshillit të Sigurimit të Kombeve të Bashkuara nuk do të reagonte me kufizime më të mëdha sesa Izraeli gjatë konfliktit palestinez në Rripin e Gazës, tha ambasadorja e ShBA-së në Kombet e Bashkuara, Nikki Haley.
Ajo këtë deklaratë e bëri sot në një takim të Këshillit të Sigurimit të OKB-së, i thirrur pas dhunës së djeshme në Rripin e Gazës.
Haley pohoi se dhuna në të cilën 59 palestinezë humbën jetën të hënën, nuk ka të bëjë fare me hapjen e ambasadës së ShBA-së në Jerusalem./21Media