Shfaqja ‘Qeni që nuk dinte të lehë’ jepet nesër në Teatrin ‘Dodona’
12.10.2018 - 17:02
Shfaqja me kukulla “Qeni që nuk dinte të lehë”, me tekst të Gianni Rodari dhe regji të Melihate Qenës, do të shfaqet nesër, më 13 tetor, 2018 në Teatrin e Qytetit të Prishtinës, ‘Dodona”.
Shfaqja jepet në dy termine, në ora 12:00 dhe në 13:00.
Një qenush i vogël që nuk di të lehë, kalon në situata mjaftë sfiduese, herë – herë edhe duke u zhytur në huti deri sa takon zanën e qenve e cila edhe është çelësi i problemit të qenushit të vogël.
Shfaqja jep një mesazh për fëmijët se secili duhet të ketë besim në veten e vet dhe të jenë këmbëngulës nëse dëshiron të arrij synimin.
Në shfaqje aktrojnë: Roza Berisha-Fejzullahu, Valdet Rama dhe Avni Hoti.