Rrëfimi i familjares: Nënës ia hoqën bombolën e oksigjenit, ia vendosën një pacienteje tjetër, nëna mbeti pa oksigjen
08.12.2020 - 23:29
Në Klinikën Infektive nënës së Arta Pllanës njëra nga infermieret ia largoi oksigjenin dhe ia vendosi një pacienteje tjetër.
Arta Pllana thotë se nëna e saj mbeti pa oksigjen.
“Pacientja tjetër ka pasë nevojë për oksigjen, e kanë marrë bombolën e oksigjenit prej nanës dhe e kanë transferu tek pacientja tjetër dhe nana ka mbetë pa oksigjen”, tregon ajo në emisionin e KALLXO.com.
Tutje ajo thotë se edhe vetë është infektuar në Klinikë, pasi u lejua të qëndrojë me nënën e saj edhe pse ishte negative me COVID-19.