Këshillat e mjekut: Si të mbrohen shtatzënat nga COVID-19
Mjeku i Klinikës Infektive, Valbon Krasniqi, ka dhënë këshilla për shtatzënat se si të sillen në këtë kohë të pandemisë së coronavirusit.
Doktori ka treguar se sa janë të rrezikuara shtatzënat, a bartet virusi te fetusi, dhe a duhet nënat e reja t’i ushqejnë me gjidhënie fëmijët e porsalindur nëse kanë shenja të virusit COVID-19.
Ai ka thënë se deri më tani nuk është vërtetuar se shtatzënat janë më të rrezikuara sesa popullata e përgjithshme.
Por, sipas tij, për shkak të ndryshimeve që ndodhin në trupin e tyre dhe në sistemin imun, shtatzënat mund të jenë më të ndjeshme ndaj infeksioneve respiratore.
Këto janë veprimet që duhet të bëjnë shtatzënat për t’u mbrojtur nga COVID-19:
– Pastroni duart sa më shpesh me tretësira me bazë alkooli ose me sapun dhe ujë;
– Mbani distancën me personat tjerë dhe shmangni kontaktet me shumë njerëz;
– Mos prekni me duar sytë, hundën dhe gojën;
– Praktikoni higjienën respiratore: mbuloni gojën dhe hundën me një faculetë kur kolliteni apo teshtiteni dhe hudhni pastaj faculetën ne shportën e mbeturinave;
– Nëse keni temperaturë, kollitje ose vështirësi në frymëmarrje, lajmërohuni menjëherë te mjeku.
A duhet të testoheni për COVID-19 ?
Nëse keni simptome, PO. Shtatzënat duhet të kenë prioritet për testim.
A mund të kalojë virusi nga shtatzënat tek fetusi (fryti) ?
Ende nuk dihet nëse shtatzënat me COVID -19 mund t’a përcjellin virusin tek fryti apo foshnja gjatë dhe pas lindjes. Deri më sot virusi nuk është gjetur në këngun amniotik e as në qumshtin e gjirit.
A duhet të lindin me prerje cezariene shtatzënat me COVID infeksion?
- Vetëm nëse ka arësye tjera mjekësire, atëherë po.
A duhet të ushqejnë me qumsht gjiri foshnjet e tyre nënat me COVID-19 infeksion?
- Nënat me COVID-19 mund të ushqejnë me qumësht gjiri foshnjet: Por duhet të:
– Praktikoni higjienën respiratore – mbuloni gojën dhe hundën me maskë ose faciletë gjatë gjidhėnies;
– Pastroni duart gjithmonë para dhe pasi të prekni (ta mbani) foshnjen;
– Pastroni dhe dezinfektoni rregullisht sipërfaqet që prekni.