Sëmuren disa nga të të akuzuarit në rastin ‘Toka’

Keqësimi i gjendjes shëndetësore të dy prej të akuzuarve dhe mungesa e disa të tjerëve ka bërë që seanca për rastin ‘Toka’ të shtyhet.

Sot në rastin e njohur si “Toka”, munguan të akuzuarit Shaban Syla,  Shpresim Uka , Fahredin Gashi, Shqipe Maxhuni si dhe Lubisha Vujoviq.

Këtë mungesë e konstatoi kryetari i trupit gjykues, gjykatësi Beqir Kalludra.

“Gjykata ka anuliar urdhëresën për sjelljen nga  paraburgimi, për faktin se  gjykata është informuar  nga qendra e paraburgimit në  Mitrovicë,  se i akuzari Lubisha Vujoviq gjendet i shtrirë në Spitalin e Mitrovicës dhe sipas kësaj informate pritet Intervenimi, i një  operacionit në sy.”  tha gjykatësi  Kalludra

Kurse për  të akuzuarën, Shqipe Maxhuni po ashtu gjykata është informuar përmes mbrojtësit të saj Arianit Koci, se e njëjta është me shëndet keq.

Prokuroria Speciale më 25 tetor ngriti dy aktakuza kundër 39 personave të ndryshëm, në mesin e të cilëve është edhe ish-deputeti i PDK-së, Azem Syla.

Aktakuza e parë, e parashtruar nga një prokuror ndërkombëtar i PSRK-së, është ngritur kundër 22 të pandehurve dhe përbëhet prej 46 pikave.

Të pandehurit akuzohen për veprat penale krim i organizuar, pastrim i parave, marrje e mitës, mashtrim i rëndë, mashtrim në detyrë, nxjerrje e vendimeve gjyqësore të kundërligjshme, keqpërdorim i pozitës zyrtare, legalizimi i përmbajtjes së falsifikuar dhe evazion fiskal.

Aktakuza e dytë e ngritur nga i njëjti prokuror akuzon 17 persona për pastrim të parave.

Anëtarët e këtij grupi të organizuar kriminal kanë bashkëpunuar mes vete, secili me rol të caktuar, për t’i privuar Kosovës pronat shoqërore përmes veprimtarive kriminale, duke përfshirë falsifikimin e vendimeve dhe dokumenteve të tjera zyrtare, mashtrimin dhe veprimeve korruptive.

KALLXO.com siguroi edhe aktakuzën prej 264 faqeve ndaj Sylës dhe të tjerëve.

Rasti ‘Toka’, Azem Syla dhe të tjerët para gjykatës

 

ETIKETA

12 Mars 2019 - 10:06

Shyhrete Maliqi 12/03/2019 - 10:06
NDËRVEPRIMI0
Prishtina Insight
NA NDIQNI

Send this to a friend