‘Riciklohen’ zgjedhjet për rektor në Universitetin e Prizrenit, zgjedhet Ismet Temaj
Këshilli Drejtues i Universitetit të Prizrenit, që udhëhiqet nga një anëtar i NISMA Socialdemokrate, ishte plotësisht i parashikueshëm në zgjedhjet për rektor.
Gjashtë anëtarë nga shtatë sosh të bordit drejtues votuan për rektor të universitetit, një kandidat që fillimisht ishte zgjedhur rektor vitin e kaluar mirëpo zgjedhja iu kontestua.
Edhe pas dështimit të atyre zgjedhjeve, i njëjti kandidat ishte zgjedhur Ushtrues Detyre i rektorit për ta mbajtur atë pozitë deri më sot kur zgjedhjet u përsëritën.
KALLXO.com e përcolli votimin drejtpërdrejt.
Pas votimit, anëtarët e bordit shkuan për t’ia uruar zgjedhjen Temës.
Përpos Temajt, kandidatë pë rektor ishin edhe Kadri Kryeziu, Naser Pajaziti, Bekim Berisha dhe Hamdi Hoti.
Këta kandidatë u intervistuan të hënën ndërsa votimi për rektor nuk u mbajt deri sot. Kjo u bë me arsyetime se anëtarët e bordit janë në vizita zyrtare.
Edhe sot, Ragip Gjoshi, njëri nga anëtarët e bordit mungoi për shkak se u tha se ishte në udhëtim
KALLXO.com ka shkruar në vazhdimësi për parregullsitë në zgjedhjet për rektor dhe ndikimet politike.
‘Kthetrat’ e politikës në Universitetin e Prizrenit