Refuzohet akreditimi i një programi në Fakultetin e Studimeve Islame

Fakulteti i Studimeve Islame i cili është institucion edukativo-arsimor nga fusha e islamistikës, në vlerësimin e Këshillit Shtetëror të Cilësisë doli me dy programe të aprovuara për akreditim dhe me një të refuzuar, në fazën e parë të vlerësimit nga Agjencia e Kosovës për Akreditim (AKA).

Ky rezultat, sipas vendimeve të KShC-së mund të hyjnë në fuqi vetëm pas përfundimit të procesit të ankimimit.

Për secilin program studimi të nivelit Bachelor, duhet pasur tre ose katër doktorë shkence të fushës së ngushtë, në programet Master duhet të jenë një ose dy doktorë shkence, ndërsa për studimet e doktoratës për secilin program duhen tre profesorë të asocuar.

KALLXO.com ka siguruar listën e degëve, departamenteve dhe programeve të universiteteve publike dhe kolegjeve private, të cilat në disa programe kanë dështuar t’i kalojnë kriteret e Këshillit Shtetëror të Cilësisë, organ ky i cili akrediton programet studimore.

Mirëpo këto vendime nuk janë përfundimtare dhe mund të hyjnë në fuqi vetëm pas mbylljes së procesit të ankimimit.

Programet e reja që iu aprovuan këtij fakulteti janë ‘Teologji islame’ në nivelin Bachelor dhe ‘Teologji islame’ në nivelin Master.

Programi që u refuzua për akreditim është ‘Pedagogjia e edukimit islam’.

Historia e akreditimeve

Këshilli Shtetëror i Cilësisë në kuadër të Agjencisë së Kosovës për Akreditim, muajin e kaluar, kishte vendosur për akreditimin e programeve të reja, riakreditimin dhe tërheqjen e tyre në universitetet publike dhe private.

Gjatë kësaj mbledhje, KShC akreditoi 2 programe studimore valide, ndërsa në fazën fillestare të vlerësimit të aplikacioneve, Fakulteti i Studimeve Islame kishte aplikuar me 1 program të ri për akreditim i cili iu refuzua.

Arsyeja e tërheqjes dhe refuzimit për akreditim të programeve studimore në universitete publike dhe kolegje private nga KShC-ja, kryesisht ishte nga mungesa e doktorantëve të fushës së ngushtë të këtyre programeve.

Por edhe në rast mosakreditimi, Universiteti apo Kolegji mund të aplikojë përsëri për akreditimin e këtyre programeve siç thuhet tutje në Ligjin për Arsimin e Lartë, konkretisht në Nenin 15 ‘Akreditimi dhe vlerësimi i cilësisë’, pika 6, e cila thotë se “nëse një bartës i licencuar i arsimit të lartë nuk arrin të fitojë akreditimin apo riakreditimin institucional, kjo do të rezultojë me një organizim tjetër të akreditimit jo më vonë se pas një viti.”

Sipas udhëzimit administrativ në Nenin 30 tek ‘Deklarimi i stafit akademik për angazhim’ në pikën 1 thuhet se “Institucionet e Arsimit të Lartë duhet të dorëzojnë deklaratat e stafit akademik të angazhuar jo më larg se data 31 tetor.”

Gjatë procesit të verifikimit, KShC ka shqyrtuar dokumentacionin e profesorëve të cilët kishin deklaruar të dhënat e tyre në platformën ‘e-Akreditimi’ sepse në Nenin 30, pika 3 thuhet se “Vetëm stafi akademik i deklaruar dhe aprovuar nga AKA, do të konsiderohet në procesin e akreditimit/riakreditimit për vitin pasues akademik dhe stafi akademik i deklaruar dhe aprovuar nga AKA për programet ekzistuese në kuadër të procesit të monitorimit”.

KALLXO.com ka raportuar në vazhdimësi për zhvillimet që kanë rezultuar nga mbledhja e 61-të e Këshillit Shtetëror të Cilësisë, vendimet e të cilit ngritën reagime të shumta.

https://kallxo.com/kolegjit-amerikan-a-u-k-i-refuzohet-akreditimi-i-tri-drejtimeve-te-reja/

https://kallxo.com/rezonanca-pa-akreditim-ne-11-programe/

https://kallxo.com/kolegjit-biznesi-i-refuzohet-akreditimi-ne-dy-programe/

Programet e studimit që i humbi Universiteti  i Gjilanit

Programet e Kolegjit “Universum” që dështuan të akreditohen

Programet e studimit që i humbi Universiteti  i Gjilanit

Lista e programeve që nuk u akredituan në “AAB”

Lista e drejtimeve të Universitetit të Prishtinës që nuk akreditohen

Universitetit të Ferizajt i mbyllen mbi 50 për qind të programeve të studimeve

Universiteti publik i Gjakovës mbetet pa Fakultetin e Edukimit

Programet e studimit që i humbi Universiteti  i Gjilanit

Lista e drejtimeve të Universitetit të Prishtinës që nuk akreditohen

Lista e drejtimeve të Universitetit të Prishtinës që nuk akreditohen

Lista e drejtimeve të Universitetit të Prishtinës që nuk akreditohen