Rama e Meta s`kanë të ndalur, vazhdojnë përplajset për Gent Cakajn

Pak orë pas postimit në “Facebook” të presidentit shqiptar, Ilir Meta ku shkruhej se MEPJ nuk ishte autoshkollë dhe “ku ustai i madh kërkon të mësojë “gjeniun” si të ndryshojë kufijtë e të gjithë Ballkanit Perëndimor” erdhi dhe reagimi i kryeministrit në “Twitter”.

“Mos prisni të merrem më me një pengmarrës të Kushtetutës në zyrën e Presidentit, i cili është katandisur në çizme rezervë e Doktorreshës së Shkencave Gjykata e re Kushtetuese do t’i japë fund kësaj maskarade, ndërsa vëmendja jonë do jetë e gjitha tek njerëzit e zero tek çizmet”, ka shkruar Rama në “Twitter”.

Ky debat në distancë mes kryeministrit Rama dhe presidentit Meta vjen pas refuzimit të dekretimit të Gent Cakajt në postin e Ministrit për Evropën dhe Punët e Jashtme.

https://kallxo.com/meta-ministria-per-evropen-dhe-punet-e-jashtme-e-shqiperise-nuk-mund-te-kthehet-ne-auto-shkolle/

.