Rakiq: Taksat rrezikojnë kushtet e jetës së fëmijëve tanë

Presidenti i Listës Serbe, Goran Rakiq, ​​akuzoi komunitetin ndërkombëtar se po qëndron i heshtur në vendimet “brutale dhe jodemokratike” të Prishtinës.

Njoftimi i tij se kryetarët e komunave me shumicë serbe në veri të Kosovës kanë dhënë dorëheqje në shenjë proteste dhe se administrata nën “sistemin e Prishtinës” nuk ekziston më, u përshëndet me duartrokitje.

“Kjo nuk është për shkak të trillimit tonë, por për shkak të lëvizjeve që i pengojnë serbët e Kosovës të kenë një jetë normale”, tha Rakic, duke shtuar se taksat e reja të importit nënkuptojnë se “fëmijët tanë mund të mos kenë kushte normale të jetesës nesër”.

Ai gjithashtu e quajti veprimin e Policisë së Kosovës për kapjen e të dyshuarve për vrasjen e politikanit serb të Kosovës Oliver Ivanoviç “brutal” dhe njoftoi se protestat paqësore do të vazhdojnë çdo ditë.

Qytetarë dhe zyrtarë serbë kanë protestuar sot në Mitrovicën e Veriut lidhur me vendosjen e taksë 100 për qind ndaj produkteve serbe që importohen në Kosovë.