Putin e fton Trumpin në Moskë

Presidenti rus Vladimir Putin bëri të ditur se e ka ftuar në Moskë presidentin e Shteteve të Bashkuara të Amerikës Donald Trump. Putin tha se ai dhe Trump janë të gatshëm të takohen në samitet e ardhshme.

Gjithashtu, presidenti rus tha se bisedat telefonike në mes të Moskës dhe SHBA-ve nuk ishin të mjaftueshme. Putin tha se duhet të takohet me Trump për të diskutuar në lidhje me marrëveshjen për armët bërthamore të Iranit dhe konfliktet globale.

Putin dhe Trump u takuan në Helsinki më 16 korrik 2018, por Trump në Shtetet e Bashkuara u përball me kritika të mëdha nga republikanët dhe demokratët, të cilët thanë se ai kishte marrë anën e Rusisë në vend të SHBA-ve.