Donjeta Kosumi

Prokurori i ‘Kallashit’ Përfundon në Komision Disiplinor

Zyra e Prokurorit Disiplinor të KPK-së e ka dërguar në procedurë disiplinore prokurorin Beqë Shala  me pretendimet për shkelje të pahijshme gjatë trajtimit të rastit “Cobra City”.

Në shtator të vitit të kaluar, emisioni “Drejtësia në Kosovë” kishte raportuar për parregullsi gjatë trajtimit të çështjes së paraburgimit të Dibran Hoxhës, truprojës së valltares Donjeta  Kasumi e njohur në ndryshe si “Kallashi”.

Ai ishte arrestuar me urdhër të prokurorisë për një incident të rrahjes ndërsa me vendim të gjykatës i ishte caktuar masa e paraburgimit prej 30 ditësh.

Mirëpo dy javë më pas, prokurori Beqë Shala kishte kërkuar ndërprerjen e paraburgimit për Hoxhën me arsyetimin se kushtet për paraburgim kishin përfunduar.

“Drejtësia në Kosovë” atëkohë kishte siguruar prova se njëri nga kushtet kryesore, ai i intervistimit të palës së dëmtuar, nuk ishte përmbushur në kohën kur prokurori kërkoi ndërprerjen e arrestit.

http://kallxo.com/kobra-e-prizrenit-qe-kafshoi-institucionet-e-rendit-e-sigurise/

Veprimet e prokurorisë në atë kohë ishin kritikuar nga drejtori rajonal i Prizreni Nexhmi Krasniqi i cili kishte rrëfyer për të kaluarën kriminale të grupit.

Në përgjigjen e tij rreth kësaj çështje kryeprokurori i Prizrenit Sylë Hoxha kishte pretenduar se çdo gjë rreth trajtimit të rastit të Dibran Hoxhës kishte qenë në rregull me procedurat ligjore.

VALLËZIMI I KRIMIT

Përfundimisht pas një viti hetimesh, Zyra e Prokurorit Disiplinor e ka njoftuar emisionin  “Drejtësia në Kosovë” se bazuar në të gjeturat e raportuara kjo zyrë ka arritur në konstatimin se prokurori kishte kryer “sjellje të pahijshme” dhe i njëjti me rekomandim të ZPD-së është dërguar në Komisionin Disiplinor të KPK-së.

http://kallxo.com/kobrat-rrefehen-pas-zjarrit/