Probleme edhe në një nëndegë të LDK-së në Gjilan

Zgjedhjet në nëndegën e Përlepnicës në komunën e Gjilanit të Lidhjes Demokratike të Kosovës nuk kanë kaluar në frymë demokratike.

Kështu po pretendon të paktën njëri nga kandidatët për kryetar të kësaj nëndege, Besfort Fazliu.

Fazliu ka thënë se zgjedhjet në Përlepnicë kanë qenë të manipuluara dhe jo të rregullta.

“Kemi me bë një ankesë që ky proces zgjedhor është komplet i manipuluar dhe i parregullt. Nuk e dimë nëse kryetari Haziri është i njoftuar për problemet në nëndegën tonë, por nëse është i njoftuar dhe nuk ka vepruar asgjë, nuk e di çfarë të them tjetër”, ka thënë Besfort Fazliu nga Forumi Rinor i të Rinjve të LDK-së.

Kandidatë për kryetar të nëndegës në Përlepnicë të Gjilanit kanë qenë, Shkëndije Avdiu, Besfort Fazliu dhe Nazim Rrustemi.

Në këto zgjedhje fituese doli kandidatja grua, Shkëndije Avdiu. Këtë ajo e kumtoi përmes një statusi në “Facebook”.

“Me datën 19.5.2019 u mbajtën zgjedhjet e nëndegës së LDK-së në fshatin Përlepnicë. Nga këto zgjedhje me pjesëmarrje masive të qytetarëve tanë, u zgjodha kryetare e nëndegës”, shkroi ajo.

Në anën tjetër, Fazliu ka thënë se nuk është i kënaqur me mbarëvajtjen e zgjedhjeve, për këtë edhe ka dhënë dorëheqje nga nëndega në fshatin Përlepnicë dhe poashtu ka ofruar dorëheqje nga Forumi Rinor i LDK-së.

“Unë bashkë me Driton Rexhepin, Lulzim Qerimin, Fazli Fazliun dhe Bekim Rexhepin kemi dhënë dorheqje nga nëndega. Dhe bashkë me forumin rinor prej 70+ të rinjve kemi dhënë dorëheqje nga ky forum që e kemi ofruar tek kryetarja Rina Ahmeti- Kasumi që ende nuk na është pranuar”, ka thënë Fazliu për KALLXO.com.

KALLXO.com ka provuar ta kontaktoj edhe kryetarin e Gjilanit nga rahët e LDK-së, Lutfi Haziri, por kontakti më të gjatë ditës ka qenë i pamundur.

Ditë më parë telashe në zgjedhje të një nëndege të LDK-së pati edhe në komunën e Mitrovicës. Dy grupe të kësaj partie u përleshen fizikisht.

https://kallxo.com/perleshje-fizike-ne-degen-kryesore-te-ldk-se-ne-mitrovice/

Ky është deklarimi i Besfort Fazliut në “facebook” pa ndërhyrje:

DEKLARATË NGA NËNDEGA E LDK-së DHE FORUMI RINOR I LDK-së

Dje me date 19.05.2019 Janë mbajtur zgjedhjet e Ldk-së Në Fshatin Përlepnic.
Unë isha kandidat për kryetar të kësaj nëndege deri në momentin e kapjeve të komisioneve zgjedhore.

Zgjedhjet te cilat filluan me emrimin ne komisione zgjedhore te te gjith antarve familjarë Nga ana kundërshtare.

Unë bashk me 70 të rinjë të moshës 18-28 vjeqarë Dhe disa familjeve të ngushta na u mohua e drejta që të vazhdojm me votimin Ne proporcion me rregulloren dhe nenet e cekura, Duke u shkelur qdo nen i mundshem vetëm e vetëm qe pazaret e bëra natën të ju dalin ditën, ata bënë që të zvarriteshin nëpë koridore Votuesit deri 1 orë e gjysmë, qe te shantazhoheshin dhe te kercenoheshin ne mnyren ma brutale te mundshme duke ju thene se ju nuk jeni pjese e kesaj partije, duke ju thene se ju nuk mund te votoni dhe duhet te largoheni nga kjo salle.

Kujt po i pengon kjo rritje e ldk-së , Kush po e deshiron shkatrrimin e ldk-së në Gjilan dhe rrethin, kujt po i konvenon kjo me se shumti, pse duhet te punsohen miqt e miqve ne menyra partiake dhe te lihen skamnoret ne varferi te skajshme, pse duhet të punsohen në pozita shtetërore dy deri tre antarë të një familje dhe tjetri të mos ket as kafshatën e bukës në shtëpi,deri kur…

Pse duhet te dihet fituesi ende pa filluar votimi i kandidatëve , pse neve te rinjeve nuk na lejohet qe te vazhdojm ne mnyren demokratike ashtu siq i ka hije ksaj Lidhje te ashtuQuajtur demokratike.

Unë Besfort Fazliu i lindur më 04.04.1995 (24 vjeqar) Mora Guximin dhe gjith rreziqet që të kandidoj për kryetar të kësaj nëndege i shtyer nga komplet Forumi rinor të cilët më mbështetën qdo sekond edhe pse të kërcënuar nga profiterët të cilët nuk e pranojn as si Fizik një të ri në këtë parti e lëre më të jap mendim,sepse janë mësuar që vendimet dhe pozitat ti bëjnë kok në vete Dhe të ju shkojnë si kukull para eprorëve të marrin urdhërat dhe ti zbatojn ato poor kurrsesi të ankohen apo të ngritin zërin drejt tyre sepse ju mungon guximi fjalori e qe besa edhe shkrimi për ndonjë kërkesë qoft edhe nga ato më të thjeshtat.

E Vërtet që dorëheqja ime nga ky proces ishte vendim jo i lehtë ,Por Rinia E Lidhjes demokratike të Kosovës së sodit nuk din të bëj pazare natën e ti Shpalos ditën , Ne kurrë nuk do të jemi pjesë e asnji pazari politik.

Sllogani të ju lëshojm rend të rinjëve si duket është vetëm për ta mashtruar opinjonin publik, sepse në këtë parti vetëm ky Opsion nuk egzsiton.

Nga sod Unë Kryetari i forumit rinor në Përlepnic i zgjedhur në mënyr demokrate me votim të hapur bashk me 70 Anëtar të ktij forumi rinor ndihemi të injoruar dhe japim dorëheqje nga kjo nëndegë.

E di se do të kem kërcënime të vazhdueshme pas këtij postimi por nuk do tju shiten askujt e as mos tju shkon mendja sepse do të keni punë direkt me policinë e kosovës dhe gjykatën shtetërore.