Nënshkrimi i marrëveshjes mes kryetarit Mytaher Haskuka dhe zëvendësministrit Afrim Bekteshi – Foto: Facebook/MytaherHaskuka
Prizreni organizon aktivitete kulturore për diasporën
Kryetari i Komunës së Prizrenit, Mytaher Haskuka dhe zëvendësministri i Ministrisë së Diasporës dhe Investimeve Strategjike, Afrim Bekteshi, kanë nënshkruar marrëveshje bashkëpunimi për të organizuar ditët e diasporës.
Kryetar i Prizrenit ka thënë se qëllimi i kësaj marrëveshjeje është organizmi i përbashkët i aktiviteteve kulturore, me qëllim të promovimit, ruajtjes, kultivimit të identitetit kulturor dhe gjuhësor të pjesëtarëve të diasporës.
Haskuka gjithashtu tha se zyrën për zhvillim do ta funksionalizojë vitin e ardhshëm.
“Zyra për zhvillim, të cilën e kam premtuar, do të funksionalizohet vitin e ardhshëm. Synimi kryesor i saj do të jetë ngritja e bashkëpunimit ekonomik ndërmjet bizneseve në Prizren dhe atyre në diasporë”, shtoi Haskuka.
Ata po ashtu publikuan edhe agjendën e organizimeve kushtuar diasporës prizrenase.