Prizren, organizohet Panairi i Sporteve Extreme
Në Prizren nga data 20 dhe 21 e këtij muaji do të organizohet Panairi i Sporteve Extreme.
Dijedona Elezi nga “Lidhja e Vëzhguesve Rinia e Kosovës”, në një përgjigje për KALLXO.com ka treguar rreth organizimit të Panairit të Sporteve Extreme.
“Ne për organizimin e këtij panairi kemi pasur mbështetje nga Ministria e Kulturës, Rinisë dhe Sportit dhe Drejtoria e Kulturës, Rinisë dhe Sportit nga Komuna e Prizrenit. Në këtë panair do të marrin pjesë OJQ, të cilat merren me sporte extreme si Bjeshkatarë, Scout, Motorkros, Of road, Policia kufitare, FSK, Parashutistë. Pjesëmarrësit në këtë panair do të jenë vetëm nga Komuna e Prizrenit për shkak se kemi mungesë të fondeve dhe nuk kemi pasur mundësi të kemi pjesëmarrës nga jashtë Prizrenit”, tha Elezi për KALLXO.com.
Elezi gjithashtu tregoi rreth qëllimit të organizimit të këtij panairi.
“Motoja dhe qëllimi kryesor i panairit është të vetëdijesojmë qytetarët që ekzistojnë këto sporte dhe ka njerëz në Prizren që merren me këto sporte”, tha Elezi për KALLXO.com.
