Prishtinë, punëtori 23 vjeçar bie nga ndërtesa
26.4.2019 - 20:33
Një punëtor 23 vjeçar është lënduar pasi ka rënë nga ndërtesa gjatë ditës së sotme, ndërkohë që po punonte në një ndërtesë në rrugën “Robert Dolli”, në Prishtinë.
Zëdhënësja e policisë në rajonin e Prishtinës Florie Ahmeti ka thënë për KALLXO.com se rasti ka ndodhur sot rreth orës 16:00.
“Viktima M.M, 23 vjeçar, derisa ishte duke punuar ka rënë nga ndërtesa. I njëjti është dërguar për tretman mjekësor në QKUK”, ka thënë Ahmeti.
Ajo ka shtuar se me rastin po merren njesitet policore nga Stacioni Qendra.