Foto: Kallxo.com
Policia jep detaje për zjarrin që përfshiu dy shtëpi në Prishtinë
Dy shtëpi janë përfshirë nga flakët në lagjen ‘Kodra e Trimave’ në Prishtinë.
Nga ky zjarr nuk ka mbetur asnjë person i lënduar.
Kështu tha për KALLXO.com zëdhënësja e Policisë së Kosovës për rajonin e Prishtinës, Florie Ahmeti – Haziraj.
Zëdhënësja tha se menjëherë kanë dalë në vendin e ngjarjes të gjitha njësitet e nevojshme.
“Rreth orës 14:00 kemi pranuar informatën për një rast zjarri në lagjen “Kodra e Trimave” në Prishtinë. Menjëherë në vendin e ngjarjes kanë dalë njësitet e nevojshme policore dhe zjarrfikësit. Nga zjarri janë përfshirë dy shtëpi, nuk ka persona të lënduar. Zjarri është lokalizuar nga ana e zjarrfikësve ndërkohë që njësitet policore janë duke u marrë me rastin”, ka thënë Ahmeti – Haziraj.
Sipas një qytetari, i cili në adresë të KALLXO.com ka dërguar video, rasti ka ndodhur në rrugën “Vëllezërit Fazliu”.
https://kallxo.com/video-digjet-nje-shtepi-ne-prishtine-2/
www.kallxo.com