Shpërndanin material propagandues kundër festës, arrestohen dy persona në një tyrbe në Gjakovë

Gjatë një manifestimi tradicional që po mbahej në tyrben ”Pulë” në fshatin Babaj Bokës në Gjakovë, Policia e Kosovës ka arrestuar dy persona.

Të dyshuarit janë arrestuar nën dyshimin se janë hasur duke shpërndarë material propagandues me citate kuranore kundër festës, e cila ishte duke u zhvilluar.  

Lajmin për KALLXO.com e ka konfirmuar Nysret Xhurkaj, zëdhënës i Policisë për Rajonin e Gjakovës. 

Xhurkaj ka thënë se të arrestuarit janë shoqëruar në Stacion Policor në Gjakovë. 

Pas intervistimit, me urdhër të prokurorit të dyshuarit janë ndaluar për 48 orë.