Ilustrim...

Plagoset me armë zjarri polici në Mitrovicën Veriore

Një pjesëtar i Policisë së Kosovës është plagosur me armë zjarri në Mitrovicën e Veriut.

Sipas Policisë, rasti ka ndodhur në rr. “Vardari”, në Mitrovicën Veriore më  13 tetor rreth orës 03:30.

“Raportohet se pas një mosmarrëveshje, i dyshuari i gjinisë mashkullore ka shtënë me armë zjarri në drejtim të viktimës, i cili është pjesëtar i PK-së. Viktima ka pësuar lëndime trupore dhe është dërguar për tretman mjekësor në Spitalin e Mitrovicës dhe sipas personelit mjekësor është jashtë rrezikut për jetë”, njofton Policia.

Njësitë policore kanë dalë në vend të ngjarjes dhe janë në kërkim të të dyshuarit.

Rasti po trajtohet si lëndim I rëndë trupor dhe armëmbajtje pa leje.