Foto: Ilustrim
I Plaçkiten Paratë dhe Stolitë Gruas nga Klina
31.10.2017 - 09:52
Një burrë nga Klina është arrestuar nën dyshimet se ka plaçkitur gjësende me vlerë nga një grua në Klinë pasi tinëzisht e detyroi ta ndalojë veturën e saj në rrugë.
Policia e Kosovës ka njoftuar se në fshatin Dolc të Klinës, një burrë kishte sinjalizuar ndalimin e një veture që po vozitej nga një grua dhe më pas nga ajo mori para në vlerë prej 600 euro.
Përveç kësaj, ai grabiti nga viktima çantën e krahut në të cilën kishte dokumente personale si dhe dy zinxhirë të arit.
Sipas raportit ditor, burri është intervistuar dhe është dërguar në mbajtje.