Përfundon seanca e Kuvendit, katër pikat e fundit pritet të shqyrtohen në seancën e radhës
Ka përfunduar seanca e sotme parlamentare në Kuvendin e Kosovës, në të cilën ishte paraparë diskutimi dhe votimi i 17 pikave të rendit të ditës.
Edhe pse së fundmi pa kuorum, seanca shqyrtoi gjithsej 13 pika, ndërsa katër pikat e fundit pritet të shqyrtohen dhe votohen në seancën e radhës.
Kryesuesi i seancës së sotme, Xhavit Haliti tha se pikat e mbetura nuk mund të diskutohen sonte sepse në të gjitha duhet votuar dhe nuk ka deputetë të mjaftueshëm në sallë për ta bërë këtë.
“Pikat e tjera janë votim, meqenëse s’ka kuorum ne nuk mundemi me votu. Atëherë e mbyllim seancën.”, ka thënë Haliti.
Pikat që mbetën pa u diskutuar në Kuvend janë:
“Zgjedhja e anëtarëve të Bordit të Ndërmarrjes Publike Operatori i Sistemit, Transmisionit dhe Tregut-“KOSTT” Sh.A.”,
“Kërkesa e Komisionit Hetimor Parlamentar në lidhje me shpenzimet për lobim nga ana e Presidencës dhe Qeverisë së Republikës së Kosovës për kompensimin e anëtarëve të këtij Komisioni,”,
“Propozimi i GP të Listës Serbe për emërimin e zëvendëskryetarit të dytë në Komisionin Ad-hoc për përpilimin e Kodit për rregullimin dhe menaxhimin e fushës së pensioneve dhe benificioneve nga sigurimi social,”,
si dhe “Shqyrtimi i kërkesave të Komisionit Hetimor Parlamentar në lidhje me gjendjen në PTK dhe Vala, për zgjatjen e mandatit dhe për emërimin e zëvendskryesuesit të këtij Komisioni Hetimor.”.
https://kallxo.com/kuvendi-i-kosoves-i-zgjat-mandatin-komisionit-hetimor-per-ptk-dhe-vala/
https://kallxo.com/bllokohet-votimi-per-formimin-e-komisionit-per-permiresimin-e-procesit-zgjedhor/
https://kallxo.com/kuvendi-pa-kuorum-skalojne-propozimet-per-pensionistet/