Partitë Dorëzojnë Listat në Minutat e Fundit

Subjektet politike zgjodhën minutat e fundit para orës 24:00 për të dorëzuar listat e kandidatëve për deputetë për zgjedhjet e 11 qershorit.

Në emër të LDK-së, listën e dorëzoi Sami Hamiti, ndërsa në emër të PDK-së Ilir Tolaj.

Listën e Vetëvendosjes e solli Dardan Molliqaj, ndërsa listat e tyre i dorëzuan edhe subjektet tjera.

Sami Hamiti teksa njoftoi se dortëzoi listën tha se nuk ka pasur pakënaqësi në subjektin që përfaqëson.

“E kemi dorëzu listën- prononcimet do t’i merrni nesër. Pakënaqësi nuk ka pasur dhe s’do të ketë pakënaqësi. Nesër do të merrni vesh nëse Vjosa Osmani është në listë”, tha Hamiti.

Edhe Dardan Molliqaj tha se nuk ka pasur pakënaqësi për listën e “Vetëvendosjes”.

Molliqaj tha se ka pasur interes që Shpend Ahmeti të kandidojë për kryetar.

Zëdhënësi i KQZ-së Valmir Elezi tha se në zgjedhje kanë aplikuar pesë koalicione, 19 parti dhe dy iniciativa qytetare.

KALLXO.com shkroi më herët se sa subjekte politike kishin aplikuar për zgjedhje deri në orën 22:00.

http://kallxo.com/21-subjekte-politike-aplikojne-per-zgjedhje/

KALLXO.com gjithashtu shkroi edhe për kandidimin e Shpend Ahmetit dhe Dardan Sejdiut për deputetë të LVV-së.

http://kallxo.com/drejtuesit-e-prishtines-ne-listen-e-deputeteve/