Obiliq: Vdes biciklisti 13 vjeçar pasi u aksidentua me kamionin
23.8.2018 - 17:54
Një djalosh 13 vjeçar ka vdekur pasi është aksidentuar me një kamion në fshatin Graboc të Obiliqit.
Kështu ka bërë të ditur për KALLXO.com, komandanti i trafikut, Major Milaim Fejzullahu.
“Një aksident në fshatin Graboc të Obiliqit ka ndodhur në orën 14:10. Në aksident janë përfshirë një kamion dhe një biciklist. Si pasojë e aksidentit lëndime ka marrë biciklisti 13 vjeçar i cili është transfesruar në QKUK. Për kudër përpjekjeve të personelit për ti dhënë ndihmë, pacienti ka ndërruar jetë”, tha Major Fejzullahu për KALLXO.com
Me urdhër të prokurorit, shoferi i kamionit është ndalur në stacionin policor.
