Pal Lekaj në komision | Foto: KALLXO.com
Nuk Kalon Propozimi i Qeverisë për Anëtarët e ZRRE-së
23.1.2018 - 13:22
Propozimi i Qeverisë së Kosovës për emërimin e gjashtë anëtarëve të Zyrës së Rregullatorit të Energjisë nuk kaloi në Komisionin për Legjislacion.
Katër anëtarë të komisionit votuan kundër, dy për, e një abstenoi.
Kryetarja e Komisionit për Zhvillim Ekonomik Sala Berisha-Shala tha se Bordi i Zyrës së Rregullatorit të Energjisë është jofunksional që nga prilli i vitit 2017.
Ajo përmendi emrat e propozuar nga qeveria për anëtarë të këtij bordi.
Qeveria,sipas Sala Berisha-Shalës kishte ddërguar në komision emrat e Bekim Jakupit, Fadil Ismajlit, Naim Sahitit, Skender Bujës, Izet Rushitit e Selman Hotit.
Para se të shqyrtohej ky propozim i qeverisë, në komision raportoi ministri i Infrastrukturës Pal Lekaj.