foto ilustrim

Një Vit Pas Strategjisë për të Drejtat Pronësore

Misioni i USAID-it do të organizojë evenimentin i cili shënon një vit nga nisja e Strategjisë Kombëtare për të Drejtat Pronësore.

Evenimenti do të theksojë arritjet e vitit të parë të implementimit të Strategjisë Kombëtare për të Drejtat Pronësore dhe përshkruaj detyrat thelbësore që mbeten për t’u kryer.

Ai gjithashtu paraqet edhe një mundësi për shoqërinë civile dhe Qeverinë që të ritheksojnë përkushtimin e tyre ndaj legjislacionit dhe reformave të domosdoshme për krijimin e një kornize ligjore moderne dhe të qëndrueshme që do të rregullonte të drejtat pronësore.

Programi i të Drejtave Pronësore i USAID-it punoi me Qeverinë e Kosovës (QK) në zhvillimin dhe implementimin e Strategjisë Kombëtare për të Drejtat Pronësore.

Përveç kësaj, USAID-i përmes këtij aktiviteti katërvjeçar mbështetë zhvillimin e procedurave të përmirësuara gjyqësore me qëllim të zgjidhjes në mënyrë më efiçente të pretendimeve mbi pronën dhe kontesteve pronësore; realizimin e fushatave të informimit publik për të nxitur ndryshime në qëndrimet dhe sjelljet shoqërore; dhe përmirësimin e shërbimeve të ofruara në komuna për t’u lehtësuar qytetarëve realizimin e të drejtave të tyre pronësore.

14 Mars 2018 - 07:01

Naim Krasniqi 14/03/2018 - 07:01
NDËRVEPRIMI0
Prishtina Insight
NA NDIQNI

Send this to a friend