Një i plagosur në rrugën Prishtinë-Pejë
17.5.2019 - 22:14
Një person është plagosur sot rreth orës 19:00 në rrugën Prishtinë-Pejë, në një pompë derivatesh.
Lajmin për KALLXO.com e ka konfirmuar zëdhënësja e Policisë për Rajonin e Prishtinës, Florie Ahmeti, e cila ka thënë se menjëherë në vendngjarje kanë dalë njësitet e nevojshme policore.
Ajo ka deklaruar se bazuar në hetimet fillestare, dyshohet se pas të shtënave me armë zjarri në drejtim të viktimës, personat e dyshuar janë larguar nga vendi i ngjarjes.
“Viktima është dërguar për tretman mjekësor ndërkohë që hetuesit policor kanë identifikuar personat e dyshuar dhe janë në kërkim të tyre.”, ka thënë zëdhënësja Ahmeti.