Gjykata Themelore e Prishtinës - Foto: KALLXO.com
Nesër Shpallet Aktgjykimi në Rastin e Vrasjes së Aulon Zekës
15.4.2018 - 20:29
Gjykata Themelore e Prishtinës nesër në orën 9:30 do të shpallë aktgjykimin ndaj tre të miturve që po gjykohen në rastin për vrasjen e Aulon Zekës.
Lajmin për KALLXO e konfirmoi Skender Musa, avokat i palës së dëmtuar.
Për vrasjen e Aulon Zekës po akuzohen dy të mitur, ndërsa një tjetër po ngarkohet për moslajmërim të kësaj vepre penale.
Aulon Zeka u vra më 16 shtator 2017 në Prishtinë.
Seancat e këtij gjykimi kanë qenë të mbyllura, ndërsa gati sa herë ato janë zhvilluar, te Pallati i Drejtësisë ka pasur protesta për ndriçimin e vrasjes së Zekës.
KALLXO.com në vazhdimësi ka raportuar rreth gjykimit për vrasjen e Aulon Zekës.