Nesër protestojnë specialistët stomatologë të papunë

Specialistët stomatologë të papunë, nesër do të protestojnë para Qeverisë së Kosovës.

Protesta do të nisë në ora 10:00.

Sipas tyre, kjo protestë organizohet në vazhdën e protestave të mbajtura para Ministrisë së Shëndetësisë, ku sipas tyre, ministri Uran Ismaili nuk po pranon që të takohet me ata.

Ata akuzojnë ministrin dhe Kadri Veseli se i kanë premtuar se nga 1 janari nuk do të ketë specialistë të papunë në Republikën e Kosovës.

“Tash ka kaluar më shumë se 1 vit nga ky afat, ne vazhdojmë të bredhim rrugëve, duke kërkuar të drejtën tonë për punësim, pas 22 viteve shkollim. Shumë nga koleget tanë, të cilët me të drejtë nuk iu kanë besuar premtimeve boshe, e kanë bërë zgjidhjen individuale duke u larguar për në vendet e BE-së, e kryesisht në Gjermani. Jemi të bindur që nëse nuk na bëhet një zgjidhje e shpejtë, edhe ne të tjerët nuk do të kërkojmë më “mëshirë” nëpër rrugë”, thuhet në njoftimin e specialistëve./21Media