Në mungesë të deputetëve, Kuvendi shtyn punimet 'për disa minuta'
15.5.2019 - 10:35
Seanca plenare e cila ishte paraparë që të filloj në orën 10:00 është shtyrë të vazhdojë pas disa minutave.
Kryetari i Kuvendit të Kosovës, Kadri Veseli, tha se në mungesë të deputetëve punimet do të fillojnë pas 15 minutave.
“Shtyrje e vazhdimit të seancës për 15 minuta, nëse nuk bëhet kuorumi, edhe njëherë e shtyjmë me 15 minuta e pas orës 11:00 e konstatojmë gjendjen dhe marrim vendim”, u shpreh Veseli.
Kuvendi i Kosovës pritet të mbajë seancë plenare për vazhdimin e 59 pikave të papërfunduara nga muaji janar, shkurt, mars dhe prill.