Rrjeti i Pasigurt, Mund t’ju Lexohen edhe SMS-të

Ekspertët e sigurisë kanë gjetur dobësi të sigurisë në protokollet LTE, të cilat sulmuesve u mundësojnë të kryejnë dhjetëra sulme serioze.

Kjo përfshin edhe spiunimin e telefonatave dhe SMS-ve, përcjelljen e lokacionit,  largimin e pajisjes nga rrjeti, madje edhe alarmimet e rreme urgjente.

Ekipi i studiuesve zbuloi se këto nuk janë vetëm sulme në teori, pasi është testuar edhe sulmi përmes kartelës SIM në katër operatorë në SHBA.

Veglat për hakimin e LTE mund të krijohen për 1.300 dollarë dhe sulmuesi mund të fitojë qasje në rrjet përmes një numri të madh resursesh, përmes të cilave bën eksploatimin.