Neymar mund të rikthehet në Barcelonë
08.1.2019 - 14:06
Braziliani Neymar shumë shpejt mund të rikthehet në ish klubin e tij Barcelona, verën e ardhshme.
Kështu raportojnë mediat spanjolle, sipas të cilave, Neymar muajin e kaluar është takuar me zyrtarë të Barcelonës për të diskutuar rikthimin e tij në Kataloni.
Sipas Catalunya Radio, 26 vjeçari para Krishtlindjeve është takuar me agjentin e Barcelonës Andre Cury, për të arritur transferimin.
Mediat në Spanjë ka disa kohë që raportojnë për rikthimin e mundshëm të Neymarit, i cili duket se është bërë pishman për largimin e tij nga Barcelona.
Ai u transferua në verën e vitit 2017 tek PSG-ja për një çmim rekord prej 222 milionë eurove, duke e bërë transferimin më të shtrenjtë në historinë e futbollit.