Neymar magjeps Brazilin, por bezdis gjithë botën
“Neymar e ka magjepsur Brazilin por e ka bezdisur të gjithë botën”, kjo ishte mënyra se si gazeta braziliane ‘Globo’ e ka portretizuar Neymarin, duke kapur disa nga momentet rreth një njeriu i cili përsëri kombinoi madhështinë dhe qesharaken sikur vetëm ai mund ta bëj këtë.
Neymar, lojtari më i shtrenjtë në botë, është ndoshta ylli i fundit botëror i mbetur në Kupën e Botës pas largimit të Lionel Messit të Argjentinës dhe Cristiano Ronaldos të Portugalisë.
Por për të gjitha performancat e tij të mira, dhe të hënën ai ishte edhe një herë vendimtar në fitoren 2-0 të Brazilit kundër Meksikës në 16 vitet e fundit, ende ka një ndjenjë se ai mbetet gjerësisht jopopullor mes neutralëve.
Kontributi i tij ishte i shkëlqyeshëm. Ka pasur tejkalime, shmangie, topa me thembër që e dërguan Brazilin te goli i parë të cilin ai vetë e shënoi.
Ka pasur edhe mashtrime dhe aktrime që, në varësi të mendimit tuaj, është ose një mënyrë cinike për të fituar një avantazh të vogël ose sjellje të dënueshme që i dëmton vlerat e futbollit.
Ishte e çuditshme të shihet se si loja u ndërpre kur Neymar orkestroi një moment kritik kur kishin mbetur më pak se 20 minuta për tu luajtur.
Kur mbrojtësi i Meksikës, Miguel Layun u hodh lehtë në kyçin e brazilianit, Neymar filloi të qajë dhe të përpëlitej sikur të ishte një vulë, duke i lëvizur krahët për të treguar se kishte dhimbje të mëdha.
Ai përfshiu të gjithë, shokët e tij të ekipit, lojtarët e Meksikës, arbitrin, asistentin e tij, zyrtarin e katërt, të gjithë u përfshinë ndërsa situata u përshkallëzua.
U ktheva kah gazetari gjerman pranë meje dhe ai tha, “Është Neymari”,
Kryesorja për Neymarin dhe Brazilin natyrisht është se ata janë pjesë e tetë ekipeve çerek-finaliste dhe do të luajnë të premten kundër Belgjikës.
Dhe sulmuesi 26-vjeçar i Paris St-Germain u votua si lojtari më i mirë i ndeshjes nga FIFA. Fituesi i këtij çmimi gjithmonë merret në intervistë.
Ai ishte gati të përgjigjej në një pyetje në lidhje me incidentin me Layun kur menaxheri i Brazilit, Tite e ndërpreu dhe tha: “Ata e shkelën atë, e pashë në ekran”.
Neymar pastaj shtoi: “Shikoni, unë mendoj se është më shumë një përpjekje për të më minuar mua se çdo gjë tjetër.
“Nuk më intereson shumë për kritikat, apo për lëvdatat, sepse mund të ndikojë në qëndrimin tuaj. Në dy ndeshjet e fundit nuk flisja me shtypin sepse nuk doja.
“Unë vetëm duhet të luaj, të ndihmoj shokët e ekipit tim, të ndihmoj ekipin tim”.
Sa i përket trajnerit të Meksikës, Juan Carlos Osorio, ai tha pas ndeshjes: “Është turp për të gjithë futbollin. Është një shembull negativ për ndeshjen, është një maskaradë”.
Ish sulmuesi i Aston Villas, Dion Dublin, tha në BBC Radio 5 live: “Jam i turpëruar për Neymarin.
“Ai është një nga lojtarët më të mëdhenj të botës, por kur ai rrotullohet nëpër fushë, unë thjesht nuk e kuptoj atë. Hej djalosh, ti je më i mirë se kaq, vazhdo me këtë lojë”.
Duke shënuar golin e parë kundër Meksikës, ai shënoi golin e gjashtë në Kupën e Botës në karrierën e tij.
Për të arritur këtë total, ai ka pasur 38 goditje drejt portës. U deshën 67 goditje për Messin dhe 74 goditje për Ronaldon për të arritur të njëjtin numër.
Ka shumë reagime ndaj Neymarit, pozitive dhe negative. Ai ka pothuajse 100 milion ndjekës në ‘Instagram’ dhe një postim menjëherë pas ndeshjes kishte marrë një milion pëlqime brenda 15 minutash pasi ajo ishte publikuar.
Neymari mungoi në humbjen 7-1 nga Gjermania, pasi u lëndua nga një ndërhyrje e keqe nga Juan Camilo Zuniga në fitoren në çerekfinale ndaj Kolumbisë.
Ky është raundi ku Brazili tani ka arritur përsëri, për turneun e shtatë radhazi ata janë në çerekfinale.
Çfarë do të ndodh më pas me këtë ekip do të varet në një masë të madhe nga ylli i saj dhe nëse ai mund të shfaqë më të mirën e tij, megjithatë ai do të mundohet për këtë.
Përgatiti: Dorentina Kastrati
