Majlinda Kelmendi, Foto: Komiteti Olimpik i Kosovës
Majlinda Kelmendi për 4 vende më lartë në ranglistën e Federatës Ndërkombëtare të Xhudos
25.2.2019 - 17:02
Federata Ndërkombëtare e Xhudos (IJF) sot ka publikuar ranglistën e përgjithshme të xhudistëve.
Majlinda Kelmendi të shtunën triumfoi në Grand Slamin e Dyseldorfit në Gjermani, duke e fituar medaljen e artë.
Në këtë finale Majlinda, e mposhti xhudisten nga Mongolia, Lkhagvasure Sosorbaram.
Majlinda është ngritur për katër pozita, nga vendi i 12-të në vendin e tetë me 3810 pikë.
Ndërsa Nora Gjakova renditet në vendin e dytë në kategorinë 57 kilogramë me 6155 pikë.
Kurse, Distria Krasniqi e cila bën pjesë në kategorinë e njëjtë me Majlindën, pozicionohet në vendin e 12-të me 2969 pikë.
Akil Gjakova në kategorinë e 73 kilogramëve renditet në vendin e shtatë me 4191 pikë.