Kupa e Kosovës, Gani Sejdiu e nis me humbje drejtimin e Ballkanit (FOTO)
17.4.2019 - 17:46
Trajneri Gani Sejdiu dje u emërua trajner te skuadra e Ballkanit, pas shkarkimit të Sami Sermaxhajt.
Por, trajneri Sejdiu sot e ka nisur me humbje drejtimin e klubit nga Suhareka.
Ballkani në gjysmëfinale të Kupës së Kosovës u mposht në Suharekë nga Feronikeli me rezultat 2-1.
Nikli e nisi mirë ndeshjen pasi në minutën e 30’ kaloi në epërsi me Mendurim Hotin.
Pjesa e parë përfundoi me rezultatin 1-0 për mysafirët.
Mevlan Zeka e dyfishoi epërsinë në minutën e 49’.
Ballkani arriti ta ngushtojë epërsinë me Visar Berishën në minutën e 87’.
Ndeshja e kthimit luhet më 1 maj në Drenas.
