Konfirmohet pjesëmarrja e Dj Martin Garrix në festivalin “Sunny Hill”

Të ftuar në emisionin “21 Gradë” të RTV21 ishin rokeri i njohur Dukagjin Lipa, njëherit edhe babai i këngëtares me famë botërore Dua Lipa si dhe Alban Kastrati nga kompania Republika, të cilët kanë zbuluar detaje rreth festivalit “Sunny Hill” që do të mbahet më datë 10 – 11 dhe 12 gusht në Parkun e Gërmisë në Prishtinë.

Nata e parë e festivalit i dedikohet muzikës pop dhe performuese kryesore është Dua Lipa, ndërsa në natën e dytë e cila i kushtohet muzikës hip-hop si performues kryesor i mbrëmjes do të jetë reperi, Action Bronson, kurse në natën e tretë tashmë është konfirmuar se do të përformojë  Dj më i famshëm në botë, Martin Garrix.

Organizatori kyç njëherish, Dukagjin Lipa ndër të tjera ka zbuluar se Dua do të vijë në Kosovë dy ditë para fillimit të festivalit.

“Me datën 8 gusht Dua vjen në Prishtinë…atëherë do t’i kemi aktivitetet e fondacionit ku i ndajmë 100 mijë euro për aktivitetet në Kosovë”, tha Lipa.

Ndryshe, në këtë festival do të performojnë edhe artistë të tjerë si Carter, Bondax ,SG Lewis, Col3trane, Grace, Albert Stanaj si Ledri Vula, Mc Kresha, Buta, Jericho,  Shapt Deda e të tjerë./21Media