Indonezi, angazhohen ‘fantazmat’ për t'i frikësuar banorët që mos të dalin jashtë
Në Indonezi, vullnetarët në fshatin Kepuh po vishen si fantazma për të trembur qytetarët që dalin jashtë shtëpive.
Ata shpresojnë se kjo praktikë do t’i inkurajojë njerëzit të qëndrojnë brenda në shtëpi.
Autoritetet u kanë kërkuar banorëve të qëndrojnë brenda në përpjekje për t’u mbrojtur nga coronavirusi dhe për ta parandaluar përhapjen e tij, shkruan WeForum.
Fshati në ishullin Java ka vendosur “fantazma” që të patrullojnë në rrugët, duke shpresuar se paragjykimi i moshës së vjetër do t’i mbajë njerëzit brenda dhe në mënyrë të sigurt larg coronavirusit.
“Ne kemi dashur të jemi të ndryshëm dhe të krijojmë një efekt parandalues sepse “pocong” janë drithërues dhe të frikshëm”, tha Anjar Pancaningtyas, kreu i një grupi rinor fshati që koordinoi me policinë iniciativën për të promovuar distancimin shoqëror, ndërsa po përhapet coronavirusi.
Të njohura si “pocong”, figurat fantazmë janë mbështjellë në mënyrë të zakonshme me tufa të bardha dhe me fytyra me pluhur. Në folklorin indonezian ato përfaqësojnë shpirtrat e bllokuar të të vdekurve.
Deri më tani ka 4,241 raste të konfirmuara me coronavirus në Indonezi dhe 373 vdekje.
